FERTIG.

fertig, schluss, amen. wir sind fertig. 0728 zeigte die uhr an, das sind rund 100km in 25 stunden. huch, herrliches gefühl körperlich und psychisch am ende zu sein.

wädiswil

mier sind zwädiswiil am chille, telefoniere und langwiilet üs. hend en blick uf züri gold coast. werdet bald widr ufbreche.

pfäffikon

mer sind etz gad in pfaeffikon sz und machen e pause. de chopf machd scho lang nueme mit, s einzige wo me gschpuert sind d bei...und dia endlos quaelende schmerze..mer sind in 13 schtund ungefaehr 70 kilometer glofe..bis uf zueri sinds na chli meh als driisg. mier rechned mit 8 - 9 schtund..greez eure magnus

zivilisation

nachdem mer ufm linthdamm e kollegin troffe hend, isch dr zweit in reicheburg xeh worde. hurra

linthdamm

mier sind am linthdamm und hend üs es längeri pause gönnt. lut de neuschte berechnige simmer geg 4 uhr morge in züri.

weese

1030: weese! madame martina spendiert üs gulasch, selbstgmachte kartoffel gatin und schoggi; en herrliche obig, kennzeichnet dur schmerze. anna: fuss, knie schmerzen. peet: fuss, knie und fingerschmerzen. mbudget; isch unter dr duuschi.
lutm blick in richtig weese chani glaubs sege, das mer hüt es stüggli laufe werdet. meh drzue spöter.

erster weblog

noch 7 schtund bis zum schtart...han gad mis horoskop glese =) gseht na guet us...eifach s'wetter isch chli scheisse...greez m-budget
ich verzwiifle langsam. dmüedigkeit meldet sich langsam und mier hend no kei kilometer gloffe. hoffe sehr, dasis schaffe. zhoroskop im 20min seit nemmis positives: wirds au positiv sii? peet

Wettihsatz

Wenn'd denkt hesch, dass dr chline Versuech vergesse worde isch, hesch di verdenkt. Ide letschte paar Tääg hemmer meh und meh planet. Es sind meh und meh misstrauisch worde und hend schliesslich xeit, dasis ned glaubet, das mers innerhalb vu 2 Tääg schaffet. Drumm hemmr dr Wettpott eröffnet: Und siehe da, es sind innerhalb vu 24h insgesammt 250 Franke zämechoo.
Wer mitwette wett, chan natürli üüs es Mail an vzus@np-kss.ch sende.

Was isch das?

En chline Versuech, odr e chlini Wett, je nach dem, wie mes interpretiert: Vu Sargans uf Züri, das ganze z'Fuess und in drüü Tag. Drbii sind: 2 jungi Herre und es Meitschi. Ihri Ufgab: Fascht 85 Kilometer z'Fuess.Ob das wirklich meisterbar isch, isch ned würkli klar. Die ganz Idee hett sich anem Suntigobig entwickelt und jetzt isches en Versuech, wo au duregfüehrt wird. Glaubsch üs das ned? Denn chasch wette. Mier möchtend dich ganz herzlich zur Wett ihlade. Säg, was du üs zuetrausch, und mier säget dir, ob mer debii sind.